ဇီဝဇိုးဂီတ
အန်ချလိုက်
မျက်တောင်စင်းစင်းက္ကုနြေ္ဒတွေ ရှက်သွေးကြွကြွ
ယေဘုယျသဘောတရားက
နှလုံးသားအချင်းချင်းစာနာဖို့ ။
အလွမ်းများ ထုနဲ့ ထည်နဲ့ စိတ်ရှိတိုင်းချို မြိန်
ချစ်မိလေခြင်း ကျိန်စာသင့်နေကြရင်း
ထပ်ဆင့်စဉ်းစားမိတော့ စဉ်းစားမိခြင်းအဖြစ်
တကျီကျီငိုယိုသံတွေရဲ့  ကောက်ကြောင်းရေးရေး
အဝေးပြေးလမ်းမများပေါ်မှ
စိမ့်စမ်းလို စိမ့်ထွက်လာကြပြီး စုရုံး
သြော်......အကြောင်းအရာမတိုက်ဆိုင်ခဲ့ရင်လည်း
သတိတရ ရှိနေဦးမှာပါ..တစ်သက်တာ။
ပျံသန်းဖို့ 
အတောင်ကိုဖြန့် လိုက်တယ်ဆိုရင်ပဲ
အနမ်းကျည်ဆံက အတောင်ပံကို
စုတ်ပြတ်သွားအောင်မှန်တယ်
ကမ္ဘာကြီးဟာ
ဤသို့ ဖြင့် ချစ်ခြင်းကို မျက်လွှာပင့်ကြည့်ခဲ့
ဇီဝဇိုးဂီတကို ဖွင့်ဆိုခဲ့ ။
ရိုးသက်
၂၀၀၆၊ ဖေဖော်ဝါရီ၊ HEART MAGAZINE
အသေလူ
အခု ကစားမှာ အချိန်ပို ဒုတိယပိုင်း
ငါကြိုသိပါတယ်
ရွှေဂိုးကို ငါမသွင်းနိုင်တော့ဘူး
အားပေးသူများကို လှည့်ကြည့်မိတော့
အားပါးပါး..ဘရုတပ်စ်တွေချည်းပါလား
မော်ကမှာတယ်
သူသေရင် ရုပ်တုမလုပ်ရ
မြို့ လမ်းနာမည် သူ့ နာမည်မပေးရတဲ့။
ငါမှာမယ်
သတိ သံဝေဂ ကြီးစွာနဲ့ ငါမှာမယ်
ငါသေရင်
ငါ့ဆွေမျိုးသားချင်း
ငါ့မိတ်ဆွေသူငယ်ချင်း
ဘယ်သူမှ အကြောင်းမကြားပါနဲ့ ။
ငါမှာမယ်
ငါသေရင် ငါ့အလောင်းကို ဖြစ်သလိုမြေမြုပ်ပါ
အုတ်ဂူ မလုပ်ပါနဲ့ ။
ငါမှာမယ်
သတိသံဝေဂကြီးစွာနဲ့ ငါမှာမယ်
လူ့ ဘဝခဏ ငယ်လေးမှာ
ငိုယို ညည်းတွားသံများ
ငါ မကြားလိုတော့ပါ ။ ။
ရိုးသက်
၂၀၀၃၊ နိုဝင်ဘာ၊ နွယ်နီ မဂ္ဂဇင်း
ကွယ်လွန်သူ ရိုးသက်
သေနေတဲ့အသေက
စိတ်လိုလက်ရ အဖြောင့်အသေ ။
အရှိ အကြောင်းအရာအတိုင်း
ဖော်ပြပါအတိုင်း
မဖော်ပြတော့ပါဟုဆိုသော အသေ။
လူ့ ဘဝနေ့ ရက်တွေကို
ပုန်းညှက်သီးလေးတစ်လုံးလို ရှင်ရင်း
အမည်မသိချစ်ခြင်းတစ်ခုကို ငင်ရင်း
အသက်တစ်ချောင်း ငင်သွားတယ်
အကျအပေါက်များများ သံယောဇဉ်ဝေယျာဝစ္စများနဲ့ 
ချွတ်ပေမဲ့ မကျွတ်မလွတ်တဲ့စိတ်များနဲ့ 
ရှင်၍လုံလောက်ရုံသာ ရှင်ခဲ့တဲ့အသေ။
အသက်ရှူ လိုစိတ်ကို
အရှု့ စိမ့်လို့  လျစ်လျူ ရှု လိုက်တဲ့အသေ။
ငယ်သူငယ်ချင်းက
ငယ်သံပါအောင် အော်ငိုနေတဲ့အငိုကို
အသေက လက်ခံစဉ်းစားဖို့  အချိန်မရ
ဒီမှာ ဘက်ကမ်းမှ ဟိုမှာဘက်ကမ်ဆီကူးဖို့ 
အားယူနေတဲ့ အုန်းပင်ကလေး အသေ။
အူဘယ်နှခွေ ကိုကို့ ဝမ်းထဲမှာ ရှိတာလဲ
ဝဋ် ဒုက္ခ ဘယ်နှခွေ ကိုကို့ ဝမ်းထဲမှာ ရှိတာလဲ
ကြည်နူးမှုတစ်ဝက်၊ ထိန်ချန်မှုတစ်ဝက်
အချစ်နဲ့ ပတ်သက်ခဲ့တဲ့အသေ။
ကြည့်လိုက်
အသေရဲ့ ခန္ဓာကိုယ်မှာ
အသေရဲ့ ဝိညဉ်လေးမှာ
အသေရဲ့ ချစ်မေတ္တာတော်မှာ
အိုင်းအနာကို ဆူး စူးသလို
အဆိုးကျိန်စာတွေ စူးစူးစိုက်ဝင်လို့ 
ကျေးဇူးပြု ပြီး
အသေကို ပွေ့ဖက်မငိုရှို က်လိုက်ပါနဲ့ 
အသေကို ခြေကန်ပြီး မငိုယိုကြပါနဲ့ 
နဂိုအတိုင်း ရှိရစ်သေရစ် ပါရစေ
နဂို အသေအတိုင်း ။ ။
ရိုးသက်
၂၀၀၅၊ ဒီဇင်ဘာ၊ ပိတောက်မြေ မဂ္ဂဇင်း
ရိုးသက် ရက်လည်
အခါလည်သားဘဝမှာ
ငါကြီးပြင်းလာရင်
ဘာဖြစ်လောက်တယ် ညာဖြစ်လောက်တယ်
လူကြီးသူမများရဲ့  ထင်ကြေးများ
ထင်တဲ့အတိုင်း ကြေးမကြီးခဲ့တဲ့ဘဝနဲ့ 
ရိုးသက် ရက်လည်။
ထန်းလက်ကလေးနဲ့ ပေမယ့်လည်း
စိတ်အနေမကျုံ့ ရုံကလေး ကာထားပါရစေ
အပြာရောင်ကျကျ ချစ်ခြင်းများ
ချစ်နေရင်းပြာကျ သွားကြပေါ့။
သွားလေရာ လာလေရာ
လေသွားရာ လေသွားရာ
ငွေနံ့ သင်းသင်းတုတ်တံက
ဘဝအနာပေါ်ကိုမှ တည့်တည့်ကျ ရသလား
အဲဒီစကားကို
ချစ်သောပန်းကလေးရဲ့ ဝတ်မှုန်တွေကြားမှာ သိုဝှက်
လောကကြီးရဲ့ ရက်စက်မှုတွေ ကြည့်မြင်ခိုင်းလိုက်ရဲ့ 
ငွေကြေးတွေ စည်စည်မဝေဘဲ
ကြေးစည်သံတို့သာ ဝေဝေစီခဲ့
ရိုးသက် ရက်လည်။
ေေေေ သောက်သုံးခဲ့သမျှ ရေများစွာဟာ
မျက်ရည်အတွက်သက်သက်ပင် ဖြစ်ရ
ငါ့ရင်ထွက်ပစ္စည်း အနုပညာကစ္စည်းနဲ့ 
ငြိမ်းချမ်းရေးကို ကမ္ပည်းထိုးလိုက်ပြီ။
ရင်.....ရင်ဟူသမျှ ငြိမ်းချမ်းစေသား
စစ်မက်ဟူရာ ပ, ပျောက်စေသား
ရေနည်းငါးများ ပျော်ရွှင်ပါစေသား
လောကဓံတရား
ငါ့အားအောင်သေအောင်သားအဖြစ် စားလော့
ရိုးသက် ရက်လည်ဆွမ်းသွတ်မှာ ။
ရိုးသက်
၂၀၀၈၊ မေ၊ စရဏ မဂ္ဂဇင်း
ရေတစ်ခွက်သောက်မယ့် ကိုယ်ရေးကိုယ်တာကိစ္စ
စိုစိုလွင်လွင်ခံစားနေမယ့်အစား
မျက်စောင်းတစ်ချက်သာထိုးလိုက်
အပျော်တမ်းအမဲလိုက်တွေ
သတ်ပုံသတ်ညွှန်းမှန်လာလိမ့်မယ်.....။
ခြေချော်လက်ချော်အမှန်တရားများနဲ့ 
နားမခံသာဖွယ်တိုက်ခတ်မှုအဟုန်ပြင်းပြင်း
''ဒီမှာမောင်ရင်..ကိုယ်အရက်ဖြတ်လိုက်ပြီ၊
ပန်းမစိုက်တော့ဘူး ''
လေညင်းကခတ်တယ်
အသားကျပြိုလဲခြင်းတွေ မျက်စိစုံမှိတ်ထားလို့ 
ဘယ်လိုဒဏ်ရာမျိုးက အသံသာတာလဲ
စိတ်ကူးထယ်ရေးက ညက်ညက်
ချိုးငှက်အလွမ်းက တကူကူ
ချစ်သူနှစ်ဦးအကြား တောပြုန်းလုနီးနီး
ကဗျာတစ်ပုဒ်ဟာ
လတ်ဆတ်နေတဲ့ နှလုံးသားတွေနဲ့ 
သေသောက်ကြူးတယ်
အမြင်ကို အမြင်အတိုင်း
တိမ်တွေပေါ်တင်လိုက်တော့
ရင်နဲ့ ရင် ထိခတ်သံတွေက ဒုက္ခတော်လဲသံဖြစ်
ချစ်တဲ့ ဇာတိရေ.....
ငါအပိုင်စားဘဝပေါ့ရုပ်ပြောင်းရုပ်လွှဲအတတ်နဲ့ 
ထွက်လာခဲ့ပြီ...။
အမြော်အမြင်ကြီးကြီး ဝေဒနာတစ်ခုသာ
မေးခွန်းတွေ တစ်ထွေးကြီးနဲ့ 
လမ်းလျှောက်ကောင်းနေဆဲ.....။
ရိုးသက်
၂၀၀၃၊ မတ် ၊ ပိတောက်မြေ မဂ္ဂဇင်း
ရိုးသက်ပုံတူ
အနစ်နာခံမိလို့ 
မြို့ ဟာ
ငါ့ကျောက်ကုန်းပေါ်ရောက်ရှိခဲ့တယ် ။
အချို ဓာတ်လျော့အရိပ်သင်္ကေတတွေ
သူ့ သားငယ်ကို ချော့သိပ်သလိုမျိုးနဲ့ 
ငါ့အတွေးအခေါ်တွေကို ချော့သိပ်တယ် ။
ပြီး
မြို့ ရဲ့ အထိအတွေ့ နဲ့ ယစ်မူးခိုင်းတယ် ။
ပြီး
ဘယ်လောက်မှဝေးတော့တာမဟုတ်တဲ့
နေ့ တွေထဲက ငါ့ကိုဆွဲထုတ်သွားတယ် ။
ပုံပျက်သွားတယ်
လေဟာနယ် အယောင်ဆောင်သစ်သီးဝလံ
ညနေနဲ့ ငါ ၊ လှုပ်ခါဖို့ အခွင့် မဲ့စွာ
ငါ့ကျောက်ကုန်းဟာ တည်ငြိမ်နေခဲ့တယ် ။ ။
ရိုးသက်
၁၉၉၇၊ အမှတ် ၃၃၊ သရဖူ မဂ္ဂဇင်း
လူက
စည်းအပြင်ထွက်ရပ်တော့
ဒုက္ခကလည်း စည်းအပြင်မှာ..
ငါ ၊
ပြေးလည်းပြေးတယ်
ကန်ရာလည်းရှိတယ်
တစ်ကမ္ဘာဆို ဆိုသလောက်
မျှော်လင့်ချက်တွေ မှုလိုမပေါက်နိုင်
ငါ့ရဲ့ လာခြင်းမကောင်းမှုများ ။
ကိစ္စအဝဝအတွက်
ကိုယ့်အကျိုးနည်းခဲ့ပါတယ်
ကိုယ်ကျိုးနည်းခဲ့ပါတယ်
တကယ့်အဖြစ်အပျက်သရုပ်မှန်တွေ။
ခရီးဆိုတာ
ဘယ်သူ့ မှ ပြောစရာမလိုဘဲ သွား၍ရကြောင်း
ဘယ်သူ့ မှ မပြောတော့ပါ ။
ရိုးသက်
မေ၊ ၂၀၀၇၊ HEART မဂ္ဂဇင်း
ငါ့ရင်ထဲ ပင်လယ်ပစ်ထည့်ပြီး
အဲဒီပင်လယ်ထဲ
ငမန်းတွေ မွေးမြူ ကြတယ်
အဲဒီအကြောင်း သီချင်းလုပ်ဆိုတော့
ပန်းသီးတစ်လုံးချကျွေးတယ်
ပန်းသီးဟာ
ကမ္ဘာပတ်လမ်းထဲကသစ်သီးဖြစ်တယ်
ငါဟာ
ကမ္ဘာမြေပေါ်ကလူသားဖြစ်တယ်
ငါ့ရင်ထဲပင်လယ်ပစ်ထည့်သူက
ဆိုးဆိုးရွားရွားနိုင်လွန်းတဲ့ ငါ့အတ္တဖြစ်တယ်
ဒါပေမဲ့
ငါက ပွင့်အားကောင်း မွှေးအားကောင်း
မြေခွေးတစ်ကောင်လို
လရောင်နဲ့ ပေါင်းသင်းနေထိုင်တယ် ။
မတော်မတည့် မျဉ်းဖြောင့်တစ်ကြောင်းပေါ်မှာ
အဲသလိုပဲ ဆော့ပစားပြခဲ့တယ် ။
ရိုးသက်
၂၀၀၃၊ ဧပြီ၊ ရုင်ရှင်တေးကဗျာ မဂ္ဂဇင်း
ငါ့ဝိဥာဉ်
လွင့်ကြွေပြုတ် ။
ငါ့ အရိုး
မင်း......
ဆံထိုးလုပ် ။ ။
ရိုးသက်
၁၉၉၄၊ ဖေော်ဝါရီ ၊မြားနတ်မောင်မဂ္ဂဇင်း
ဒုက္ခတွေ ထည်လဲပေးနေတဲ့
လောကဓံတရားကို
ပန်းကလေးနဲ့ တိုင်ပြောဖို့ 
ငါ၊ လာခဲ့ပြီ ။
ရိုးသက်
၂၀၀၈ ၊ဇွန် ၊ ကလျာမဂ္ဂဇင်း
မနာမဖျားပေမယ့်
အပူရှိန်ကများတယ်
ထနောင်းဆူးသွေးတိုက်ပြီး
ရှားမီးအပေးခံရမယ့်ကိစ္စ
ဆေးမြီးတိုတွေနဲ့ လည်း အကုသမခံချင်.....
အမြင်နဲ့ 
သံယောဇဉ်ရက်ကန်းရက်
ခရီးဆက်ဆဲ ဧရာဝတီကိုငေးလို့ .....
မြသလွန်ဘုရား ဖူးရပါစ
မရွှေဖဲကို တွေ့ ရပါစ
မြင်းခွာသံကိုကြားပါစ....
ဒီမှာ
ရင်ထဲတည့်တည့်ပြေးဝင်လာတဲ့ ''မြစ်'' က
ရင်ချင်းအပ်မိမှ ဘာကြောင့် ကွေ့ သွားရတာလဲ ။ ။
ရိုးသက်
ရုပ်ရှင်တေးကဗျာရသစုံမဂ္ဂဇင်း
၂၀၀၄
..
စား မစားရသေး
ဘာမှန်းမသိ ညာမှန်းမသိ
စပ်တယ်....တဲ့ ။
လူတွေက ညာတယ်
စားကြည့်လိုက်တော့
ငြုပ်သီးက
အကြိုက်ဆုံး အစားအစာ ။
ငါ
လှောင်အိမ်ထဲမှာ ပေမယ့်
သူတို့ သင်သမျှ
ဘာမျှ မပြောတော့ပါ ။
ရိုးသက်
ဟန်သစ် ၊ ဒီဇင်ဘာ၊ ၂၀၀၃
လေးနဲ့ မြားဟာ
ခြောင်းမြောင်းပစ်ခတ်ဖို့ တီထွင်ခဲ့တာပဲ
လူဖတွရဲ့ မျက်လုံးများက လေးနဲ့ မြားလို ။
ကျွန်တော်ဆိုနေကျ သီချင်းက
အချစ်ရေးအဆင်မပြေခဲ့ဘူး
ထွေးထုတ်ခဲ့သောတံတွေးများ အဆင်ပြေနေ
ဒိုင်ယာရီထဲ ကြေမွခဲ့ အိပ်မက်များနဲ့ 
နှလုံးသားရဲ့ အကြည်ဓာတ်တစ်ခု
ဟင်္သာမလေးမရှိတော့တဲ့အခါ
တံခါးရွက်က ပတ်တာတွေဖြုတ်ပစ်မယ် ။
မေမေ.....
ပြောင်းဖူးစေ့ လက်တစ်ဆုပ်ပက်ကျဲချလိုက်တာနဲ့ 
ခိုတွေအုပ်ဖွဲ့ ပြိုကျလာတာ
ကျွန်တော်ဝမ်းနည်းတယ်
ဘဝဆိုတာ အဲဒီလိုကြီးလို့ 
ထင်မှ မထားခဲ့တာ ။ ။
ရိုးသက်
အောက်တိုဘာ ၊၂၀၀၃
HEART မဂ္ဂဇင်း
ဧရာမ ကျောက်တုန်းကြီးတွေဟာ
ကြာပွတ်သံနဲ့  မစိမ်းဘူး ။
ဘာဆို ဘာမှ
နားနဲ့ ဆတ်ဆတ် မကြားရလည်း
အနီးနားကပ်ရှိလျှက်
မျက်ဝါးထင်ထင်မမြင်တွေ့ ရလည်း
ကြာပွတ်ရိုက်ချက်တိုင်း
ဖြန်းခနဲ ဖြာကျ သွေးစများရဲ့ 
အထိအတွေ့ ကို ရတယ် ။
ကျွန်များကိုယ်စား
အချွန်ပုံသဏ္ဍန် အနေအထားနဲ့ 
မားမားကြီး ရှိခဲ့ကြ ...။....။
ရိုးသက်
၂၀၀၄ ၊သြဂုတ် ၊
ရုပ်ရှင်အမြုတေ၊ လက်ရွေးစင်ကဗျာ
မြစ်
ဝမ်းထဲမှာ
လှေ ။
လှေ
ဝမ်းထဲမှာ
လူ ။
မြစ်ပြင်ကျယ်မှာ
ဝမ်းစာရှာ
လူ့ ဝမ်းထဲမှာ
ဗလာ ...။ ။
ရိုးသက်
၁၉၉၃၊ ဇွန် ၊ ရုပ်ရှင်မျ က်မှန် မဂ္ဂဇင်း
သိုးထိန်း
အာဆွတ်ရုံမျှ
သောက်ရမယ့်ရေအေးတစ်စက်ကို
ဆူကျက်အောင်လုပ်ပစ်ခဲ့တယ်။
အရိပ်ခိုရမယ့်
ပါးစပ်မရှိတဲ့သစ်ပင်လေးကို
နုတ်ပိတ်ပစ်ခဲ့တယ်။
ဝတ်ထားတဲ့
ရောင်စုံအင်္ကျီလေးကိုလည်း
ဆေးသားပြယ်ထိ စားပစ်ခဲ့တယ်။
သိုးတွေရဲ့ 
အမွှေးများကိုလည်း
တုံးသွားစေခဲ့တယ်။
ငါ၊ နွေကိုမုန်းလို့ မဆုံးတော့ ။ ။
ရိုးသက်
အမှတ်(၁၀၉) ဇူလိုင်၊၂၀၀၂၊ စတိုင်သစ်
